Showbiz

Gjesti tregon planet e tij

Nuk kanë kaluar shumë ditë nga publikimi i projektit më të ri “Gasolina”, në bashkëpunim me Dhurata Dorën, i cili arriti menjëherë një pëlqyeshmëri të madhe nga publiku, dhe Gjesti ka vendosur të falënderojë ndjekësit e tij në një mënyrë të veçantë.

Përmes një kolazhi postimesh të shpërndara në profilin e tij në Instagram, artisti ka përmbledhur disa nga momentet më të bukura personale të kohëve të fundit. Ndër to, ai ka ndarë imazhe nga pushimet e tij jashtë vendit pranë babait, si dhe pamje e video nga përditshmëria e tij.

Përmbi fotove, Gjesti ka shprehur mirënjohjen e tij të thellë për besimin dhe përkrahjen e vazhdueshme:

“Së pari, falënderimi i takon Zotit, e pastaj secilit prej jush për mbështetjen, dashurinë dhe respektin që ma keni dhënë. Jam munduar t’i mbledh sado pak disa nga momentet e mia, vetëm për ju. Shpresoj t’i shijoni.”

Por, deklarata që ka nxitur më së shumti kureshtjen e fansave është paralajmërimi i tij për të ardhmen. Artisti ka bërë të ditur se nuk ka ndërmend të ndalet me kaq, duke lënë të kuptohet se po përgatit surpriza të reja:

“Me ndihmën e Zotit, nuk ndalem me kaq… kam diçka shumë të veçantë në mendje për ju.”