Policia jep detaje për aksidentin në Gllarevë

Një aksident trafiku ka ndodhur sot rreth orës 10:35 në fshatin Gllarevë të Klinës.

Lajmin e ka konfirmuar zëdhënësi i policisë në Pejë, Driton Rugova, i cili ka njoftuar se në aksident janë përfshirë dy vetura dhe një kamion.

Sipas Rugovës, nga aksidenti janë shkaktuar vetëm dëme materiale, ndërsa fatmirësisht nuk ka persona të lënduar.

“Sot rreth orës 10:35, policia është njoftuar për një aksident trafiku i cili ka ndodhur ne fshatin Gllarevë-Klinë, në këtë aksident ishin të involvuara dy vetura dhe një kamion, përpos dëmeve materiale fatmirësisht nuk kemi persona të lenduar”, tha Rugova.