“Bashkë me të mbetën në gjysmë edhe shumë ëndrra”, Egzoni flet për Laurentin

Egzon Sahiti ka folur për gjendjen e tij pas humbjes së Laurent Krasniqit, duke treguar se kjo periudhë vazhdon të jetë e rëndë për të.

Prej disa javësh, ai nuk ka qenë shumë aktiv në rrjetet sociale, ku më herët publikonte vazhdimisht për ndjekësit e tij.

Një prej tyre i ka shkruar së fundmi dhe i ka kërkuar të rikthehet përsëri me videot e tij dhe me buzëqeshjen që e ka karakterizuar.

Egzoni i është përgjigjur mesazhit, duke thënë se pas humbjes së Laurentit shumë gjëra kanë mbetur pezull.

“Dhimbja është e madhe, sepse bashkë me të mbetën në gjysmë edhe shumë ëndrra, plane e momente që duhej t’i jetonim bashkë”, ka shkruar ai.