Ambasada amerikane kujton 27 vjetorin e çlirimit të Kosovës: NATO hapi rrugën për paqe dhe stabilitet

Ambasada e Shteteve të Bashkuara në Kosovë ka rikujtuar sot 27-vjetorin e çlirimit të Kosovës.

Përmes një postimi në Facebook, ambasada ka theksuar rolin e NATO-s në vendosjen e paqes dhe stabilitetit në vend.

“Njëzet e shtatë vjet më parë sot, forcat e NATO-s hynë në Kosovë, duke ndihmuar në hapjen e rrugës për paqe dhe stabilitet. Ne nderojmë qëndrueshmërinë e popullit të Kosovës dhe riafirmojmë përkushtimin tonë të përbashkët për paqe, stabilitet dhe prosperitet”, thuhet në postimin e ambasadës.