E konfirmon policia, gjendet trupi i pajetë në Liqenin e Batllav

Policia e Kosovës ka konfirmuar se është gjetur pa shenja jete personi i raportuar si i zhdukur në Liqenin e Batllavës.

Sipas zëdhënësit të Policisë, Enis Pllana, dje rreth orës 13:00 policia ka pranuar informatën se një person dyshohet se kishte hyrë në ujë në liqen dhe nuk ishte parë më të dilte.

Menjëherë pas pranimit të rastit, janë angazhuar njësitë relevante policore, si dhe ekipet e kërkim-shpëtimit, me qëllim lokalizimin e personit të zhdukur.

“Dje rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.

Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Kurse sot pas përpjekjeve nga ekipi i kërkimit dhe shpëtimit, personi është arritur të nxirret nga uji.

Ekipi mjekësor në vendin e ngjarjes, ka konstatuar se i njëjti është pa shenja jete. Në koordinim me prokurorin e shtetit, po ndërmerren veprimet e nevojshme procedurale dhe hetimore lidhur me rastin.”, tha Pllana për Indeksonline.