Studimi: Vetëm 5 minuta ecje pas vakteve mund të ndihmojnë në uljen e sheqerit në gjak

Një studim i publikuar së fundmi ka treguar se një shëtitje e lehtë prej vetëm pesë minutash pas ngrënies mund të ketë ndikim pozitiv në nivelin e sheqerit në gjak.

Sipas studiuesve, aktiviteti i lehtë fizik menjëherë pas vakteve ndihmon organizmin të përdorë më mirë glukozën, duke shmangur rritjet e menjëhershme të sheqerit në gjak. Ekspertët theksojnë se nuk është e nevojshme të bëhet një stërvitje intensive, pasi edhe një ecje me ritëm normal është e mjaftueshme për të sjellë përfitime.

Përveç kontrollit të sheqerit në gjak, ecja pas vakteve ndihmon edhe tretjen, përmirëson qarkullimin e gjakut dhe mund të ulë rrezikun e sëmundjeve kardiovaskulare nëse kthehet në një zakon të përditshëm.