Andin Hoti i reagon ministres serbe që tha: Do ta spastroja etnikisht Kosovën

Në Kosovë reagime ka nxitur kërcënimi i ministres serbe Snezhana Paunoviq, e cila ka thënë se “po të ishte në vendin e Sllobodan Millosheviqit më 1998, do ta spastronte etnikisht Kosovën”.

Ministri për Familjen dhe Vlerat e Luftës, Andin Hoti, tha se kjo deklaratë tregon që Serbia nuk është çliruar nga ideologjia gjenocidale.

Ai reagoi ashpër, duke thënë se Millosheviqi e provoi, por përfundoi si kriminel lufte dhe sot han dhe, duke shtuar se të njëjtën fat do ta kishte edhe Paunoviq.

Babai yt ideologjik, Millosheviqi, provoi të njëjtën gjë në Kosovë. Përfundoi para drejtësisë ndërkombëtare, ndërsa Serbia u largua nga Kosova me bisht ndër shalë. Përgjigjja e popullit të Kosovës, e Ushtrisë Çlirimtare të Kosovës dhe e botës demokratike dihet. Kosova mbeti e lirë. Millosheviqi përfundoi si kriminel lufte dhe sot han dhe.  Të njëjtin fat do ta kishe edhe ti, dhe do ta kesh sa herë që tenton. Kushdo që sot bën thirrje për spastrim etnik nuk është vetëm kërcënim për Kosovën. Ai është dëshmi se Serbia ende nuk është çliruar nga ideologjia gjenocidale e Millosheviqit dhe nga politika kriminale që solli luftëra, masakra dhe turp historik”, ka shkruar Hoti në Facebook.