Showbiz

Eliza tregon çka e bindi të rikthehet në skenë pas 20 vjetësh

Këngëtarja e njohur Eliza Hoxha i ka dhuruar publikut një nga momentet më emocionale të fundjavës.

Pas 20 vjetësh mungesë në skenë, ajo është rikthyer për të kënduar krah artistit Yll Limani në koncertin e tij madhështor në Prishtinë, ku së bashku interpretuan hitin e saj të pavdekshëm “Kthehu”.

Përmes një postimi në rrjetet sociale, Eliza ka ndarë emocionet e kësaj mbrëmjeje, duke sqaruar se pse e pranoi me kënaqësi këtë ftesë. Ajo tregoi se Yllin e njeh që fëmijë dhe vlerëson maksimalisht punën, përfaqësimin dhe stafin e tij profesional që kujdeset për çdo detaj të produksionit.

“Ishte një mbrëmje magjike për mua… Nuk e di si e qysh, por ishte e pamundur me i thanë jo ftesës së Yllit”, ka shkruar këngëtarja.

Përtej emocioneve të rikthimit në skenë pas dy dekadash, Eliza u shpreh mjaft krenare për nivelin që ka arritur industria e muzikës sot.

Ajo vlerësoi punën e Yllit dhe gjeneratës së re, e cila sipas saj po e kultivon muzikën me standarde botërore“, ashtu si i ka hije”.