Albin Kurti e mblodhi partinë, shkuan në Gjilan!

Dje, në zyrat e Qendrës së Lëvizjes VETËVENDOSJE! në Gjilan, u mbajt mbledhja e përbashkët me drejtuesit e të gjitha qendrave të lëvizjes në Kosovë, me prezencën e kryetarit të LVV, njëherësh kryeministrit të republikës, Albin Kurti, sekretarit organizativ, Alim Rama dhe koordinatorit të qendrave, Salih Zyba.

Në takim u diskutua rreth situatës aktuale politike me theks të veçantë zhvillimeve në procesin e konsolidimit të institucioneve.

Po ashtu temë diskutimi ishin çështjet organizative; forcimi dhe konsolidimi i organizimit tonë në terren, procesi i zgjedhjeve të brendshme, funksionimi i strukturave organizative në bazë, planifikimi i punës dhe rritja e angazhimit në çdo lagje e fshat.

Kjo mbledhje u zhvillua në një ditë të veçantë për lëvizjen, pasi shënuam edhe 21-vjetorin e themelimit të qendrës së parë të Lëvizjes VETËVENDOSJE!, Qendrës së Gjilanit, me ç’rast pas mbledhjes në një koktej rasti shënuam këtë përvjetor.