Arrestohet një person në Junik, i sekuestrohen arma me municion

Një person është arrestuar në Junik nën dyshimin për veprën penale “Mbajtja në pronësi, kontroll ose posedim të paautorizuar të armës”, pas një aksioni të realizuar nga Policia e Kosovës në koordinim me Prokurorin e Shtetit.

Sipas policisë, Stacioni Policor në Junik më 23 qershor ka pranuar informacion se një person i dyshuar posedonte armë pa lejen përkatëse. Pas pranimit të informacionit, janë ndërmarrë veprimet e nevojshme hetimore dhe është siguruar urdhri për kontroll.

Njoftimi i policisë:

Stacioni Policor në Junik, me datën 23.06.2026, ёshtё njoftuar se një person i dyshuar posedon armё pa leje pёrkatёse, ku dyshohet për kryerje të veprës penale ‘mbajtja nё pronësi, kontroll ose posedim i paautorizuar i armës’”, tha policia në njoftim, duke shtuar:

Policia menjёherё ka ndёrmarrё masat e nevojshme dhe në koordinim me prokurorin e Shtetit, me datёn 24.06.2026, ёshtё kryer kontroll/bastisje në shtёpinё e personit tё dyshuar nё Junik, ku gjatё bastisjes janё gjetur dhe janë sekuestruar:

njё (1) armё- pistoletё

një (1) karikator

trembёdhjetё (13) fishekë.

I dyshuari ёshtё arrestuar dhe pas intervistimit nga hetuesit, me vendim tё prokurorit tё Shtetit ёshtё liruar nё procedurё tё rregullt.