Çka po ndodh me shoqërinë e Mozës dhe Bujakës pas ‘Ferma VIP’?

Vetëm një ditë para finales së spektaklit “Ferma VIP”, miqësia e ngushtë dhe mjaft e komentuar mes DJ Bujakës dhe shkrimtares Mimoza Ahmeti pësoi një krisje të fortë.

Pas një përplasjeje të ashpër mes dyshes brenda fermës, Bujaka e akuzoi Mozën se “e kishte shkelur shoqërinë” e tyre, duke lënë një shije të hidhur te teleshikuesit e shumtë që i kishin mbështetur përgjatë gjithë rrugëtimit.

Megjithatë, fiks një javë pas përfundimit të formatit televiziv, gjërat duket se kanë marrë një rrjedhë krejt tjetër dhe çdo zënkë është lënë pas krahëve. Miqësia e tyre e vërtetë ka triumfuar jashtë kamerave të izolimit, duke vërtetuar se debatet e lojës mbeten thjesht pjesë e reality show-t.

Siç shihet edhe në videon e ndarë në rrjetet sociale, dyshja është ritakuar në eventin e parë të DJ Bujakës pas finales së “Ferma VIP”. Moza ka qenë në eventin e Bujakës duke treguar mbështetjen e saj maksimale për mikun e saj artist.