Elvana Gjata reagon pas vrasjes së Arlindës: “Kërkoi vetëm të jetonte, e dhimbshme deri në asht”

Këngëtarja Elvana Gjata ka reaguar pas vrasjes së Arlindës në Pejë, duke ndarë një mesazh të fuqishëm përmes rrjeteve sociale.

“Arlinda nuk kërkoi privilegj, hakmarrje apo mëshirë. Kërkoi vetëm të jetonte”, ka shkruar artistja në postimin e saj në Instagram, duke e shoqëruar me fjalët “E dhimbshme deri në asht”.

Me këtë reagim, Elvana ka shprehur dhimbjen për humbjen tragjike të Arlindës, ndërsa mesazhi i saj vë në pah një të vërtetë të hidhur: askush nuk duhet të humbasë jetën duke kërkuar thjesht të drejtën për të jetuar.