Kështu e festojnë Selin dhe Gimbo 5-mujorin e lidhjes

Selin dhe Gimbo, një nga çiftet më të përfolura dhe të dashura të “Big Brother VIP Albania 5”, festuan dje 5-mujorin e lidhjes së tyre.

Një përvjetor i vogël, por plot kuptim për dyshen, të cilët ndanë me ndjekësit në rrjetet sociale momente nga festa e tyre e vogël pranë një torte me qiri, shoqëruar me mbishkrimin e ngrohtë “Creating memories together”.

Lidhja e tyre, e cila nisi nën dritat e kamerave brenda shtëpisë së BBVA, ka treguar se nuk ishte një lojë apo dinamikë e momentit.

Pas përfundimit të spektaklit, ata i dhanë përgjigjen më të mirë skeptikëve duke vazhduar romancën e tyre me hapa plotësisht natyralë e të qëndrueshëm.

Marrëdhënia e tyre tashmë ka marrë përmasa edhe më serioze, pasi prej kohësh Selin dhe Gimbo kanë nisur bashkëjetesën në Tiranë. Përveç përditshmërisë së tyre në kryeqytet, vizitat në vendlindjen e Gimbos, në Istog, janë bërë gjithashtu një pjesë e rëndësishme e jetës së tyre si çift.

Selin nuk heziton të ndajë herë pas here momente mjaft ngrohta e familjare nga vizitat atje, duke treguar sa bukur është integruar në rrethin e tij.

Ajo që duket qartë është se përtej zhurmës mediatike, dyshja po shijon çdo etapë me qetësi dhe shumë dashuri, ndërsa ndjekësit vazhdojnë t’i mbështesin me të njëjtin entuziazëm si në ditët e tyre të para.