Ky është destinacioni i zgjedhur nga Adri e Iliriana për pushime

Adri dhe Iliriana kanë nisur zyrtarisht pushimet, duke shfrytëzuar ditët e qeta të qershorit për t’u karikuar.

Para se të nisë fluksi i madh i sezonit të dasmave dhe koncerteve që i pret çdo verë, çifti i njohur ka gjetur pak kohë për veten në bregdetin grek.

Ata kanë zgjedhur Pargën si destinacionin e tyre për këtë arratisje të shkurtër, një lëvizje goxha ndryshe nga zgjedhja e tyre e vitit të kaluar.

Nëse vjet i pamë të shijonin rërën e oqeanit në Zanzibar, këtë herë dyshja ka preferuar të mbetet më afër shtëpisë, duke shijuar peizazhin e detit Jon.
​

Ka qenë vetë Iliriana ajo që ka përditësuar ndjekësit në Instagram me disa momente nga ky udhëtim i shpejtë.

Përmes postimeve në Instastory, ajo ndau pamje nga plazhi ku po qëndrojnë, ku bien në sy detajet verore, shezlongët plot ngjyra dhe natyra e qetë që i rrethon.

Përveç bregdetit, ajo postoi edhe një shkrepje panoramike të qytetit nga lart, duke dëshmuar se po e shijojnë në maksimum këtë periudhë.

Kjo pauzë ngjan fiks si një “qetësi para stuhisë”, pasi shumë shpejt axhenda e tyre do të jetë e mbushur plot me data të rezervuara nëpër ahengje.

Adri dhe Iliriana po shfrytëzojnë çdo moment relaksi para se t’i rikthehen netëve të gjata të muzikës live.