Showbiz

Pas Kosovës, Katy Perry “arratiset” në këtë shtet

Këngëtarja Katy Perry dhe ish-kryeministri kanadez Justin Trudeau po kalojnë pushimet në Adriatik.

Pas një qëndrimi në Saint-Tropez të Francës, ata udhëtuan për në Mal të Zi, ku u fotografuan duke ecur nëpër qytetin e vjetër të Kotorrit, transmeton Indeksonline.

Edhe pse u përpoqën të mos binin re, vizita e tyre nuk kaloi pa u vënë re dhe shkaktoi komente të shumta humoristike.

Videoja e shëtitjes së tyre u publikua në faqen Podgorički vremeplov. Në video, Katy Perry (41) dhe Justin Trudeau (54) shihen duke u përpjekur të kalojnë pa u vënë re. Këngëtarja e mbuloi pjesërisht fytyrën me një shall dhe syze dielli, dhe ishte ky detaj që shkaktoi reagime të shumta në rrjetet sociale.

Shumë veta bënë shaka se Perry nuk duhej të ishte fshehur sepse shumica e kalimtarëve ndoshta as nuk do ta njihnin. “Nëse do të ecnin lakuriq, askush nuk do t’i vinte re”, “Nuk ka asgjë për të fshehur, askush nuk do ta njihte gjithsesi” dhe “Njerëzit tanë janë më të mirët, nuk u interesojnë të famshmit”, janë vetëm disa nga komentet.