Pyetjet ishin shumë palidhje”, Tringa i bën prank Mihrije Brahës në emision, shikojeni reagimin e këngëtares

Tringa Berisha ishte e ftuar në një intervistë tek “Artistët Shqiptarë”, ku foli për jetën personale, karrierën dhe planet për të ardhmen.

Gjatë intervistës, ajo u përball edhe me një sfidë argëtuese, ku duhej ta telefononte live vjehrrën e saj, Mihrije Brahën, dhe t’i bënte një rreng.

Tringa i tha Mihrijes se nuk po ndihej rehat me disa nga pyetjet që po i bëheshin gjatë intervistës, duke lënë të kuptohej sikur ishte vërtet e bezdisur nga situata.

Pa e kuptuar se bëhej fjalë për një prank, Mihrije Braha i dha një këshillë të thjeshtë: “Mos u përgjigj në pyetjet që nuk të pëlqejnë.”

Vetëm pak çaste më vonë, Tringa zbuloi se gjithçka kishte qenë një rreng i përgatitur në kuadër të intervistës, ndërsa momenti u shndërrua në një nga pjesët më interesante dhe më të komentueshme të emisionit.