Selin Bollati reagon e revoltuar pas vrasjes së Arlinda Zekajt: “Për Arlindën duhet drejtësi”

Fituesja e “BBVA5”, Selin Bollati, ka reaguar e tronditur pas vrasjes së Arlinda Zekajt në Pejë, duke ngritur shqetësimin për mungesën e mbrojtjes ndaj grave që raportojnë dhunën.

Përmes një shkrimi në rrjete sociale, ajo theksoi se Arlinda kishte kërkuar ndihmë dhe siguri, por sot nuk jeton më.

“Një grua që kishte kërkuar ndihmë dhe mbrojtje, sot nuk jeton më. Si mund të mos ndiesh dhimbje e revoltë kur mendon se ajo kishte folur, kishte raportuar, kishte kërkuar të ishte e sigurt?”, ka shkruar ndër të tjera Selin, duke kërkuar drejtësi për Arlindën dhe përgjegjësi nga institucionet përkatëse.