Suanita e ashpër me mediat që merren me Elijonën e Klodin: Ku janë debatet për gratë që dhunohen?

Suanita ka reaguar ashpër ndaj temave që po marrin vëmendje në mediat kosovare, duke shprehur revoltën e saj për diskutimet e vazhdueshme rreth Elijonës dhe Klodit.

Pas vrasjes së Arlindës, ajo ka ngritur shqetësimin për mungesën e vëmendjes ndaj rasteve të dhunës ndaj grave dhe ngjarjeve të rënda që po ndodhin në vend.

“Ku janë debatet për gratë që dhunohen, për jetët që humben dhe për padrejtësitë që ndodhin çdo ditë?”, pyet Suanita, duke kritikuar hapësirën që po u kushtohet temave të argëtimit, ndërkohë që çështjet serioze mbeten në hije.

Ajo thekson se mediat nuk duhet të jenë vetëm për argëtim, por edhe zëri i atyre që nuk dëgjohen, duke ngritur kështu çështjen e përgjegjësisë së mediave dhe shoqërisë përballë rasteve të tilla.