Showbiz

Tayna del në mbështetje të studentëve: “Gjithmonë me popullin!”

Artistja Tayna ka reaguar për protestat e fundit në Shqipëri, duke shprehur hapur mbështetjen e saj për studentët dhe qytetarët që po kërkojnë të dëgjohen.

Në reagimin e saj, ajo ka bërë thirrje për qetësi dhe protesta pa dhunë, duke kërkuar njëkohësisht që institucionet të mos e injorojnë zërin e qytetarëve.

“Policia ka për detyrë t’i mbrojë qytetarët, jo t’i frikësojë ata”, ka shkruar Tayna.

Artistja ka theksuar se studentët kanë një rol të rëndësishëm dhe se kërkesat e tyre duhet të dëgjohen pa u përdorur për interesa të tjera.

“Shqipëria është e njerëzve të saj”, është shprehur ajo, duke e mbyllur reagimin me mbështetje të drejtpërdrejtë për protestuesit.