Vrau motrën tre vjet më parë, amnistia penale i mundëson lirimin një të dyshuareje në Shqipëri

Qelinë e burgut e ka lënë këtë të mërkurë edhe Marsela Pushani 43-vjecare, e cila tre vjete më parë qëlloi për vdekje me thikë motrën e saj, Armanda Pushani.

Krimi brenda familjes ndodhi 2 shtatorin e vitit 2023 në banesën e familjes Pushani në zonën mes “Rrugës së Kavajës” e “Myslym Shyrit” në kryeqytet ku banonin dy motrat dhe nëna e tyre.

Ditën e ngjarjes, e ëma u shpreh se 37-vjeçarja ka ardhur e dehur në banesë dhe i ka kërcënuar me thikë. Në momentin e përleshjes Marsela i ka marrë thikën dhe e ka goditur në kushtet e vetëmbrojtës.